أذاي أذاكر ومنساش

**Admin** السبت 30 مايو 2009, 8:43 pm

أذاي أذاكر ومنساش؟؟؟؟؟؟؟؟
نعاني كلنا من النسيان بس نسيان المزاكره هو اخطر انواع النسيان عشان كده لازم نحدد المشكله اولا عشان نقدر نحلها ان شاء الله وياريت تجاوب بصراحة ومن غير استلواح !!
1-هل تعاني من نسيان سريع لكل المواد التي تذاكرها ام بعضها.
2-هل تعاني من النسيان في فترات وأوقات مذاكره معينه ام في اي وقت.
3-هل يأتيك النسيان في المواد التي لا تحبها دائما.
4-هل النسيان يسبب لك الضيق ام ان سعادتك من المطنشين.
5-هل حاولت ان تصلح علاقتك بالله ام لا وكام مره فشلت.
6- هل حددت المجموع الذي تريده هذا العام والا سايبها كده بركاوي.
7- لو كانت أجابتك بالإثبات اكثر من النفي حتي لو بواحد في المئه فانت معنا
تعال بقا يا بيه نحل المشكله
علشان متنساش وتفتكر كل الي ذاكرته جرب تعمل الحاجات دي وهتلاقي فرق ان شاء الله ( والله العظيم متجربه بس انت حاول علشان خاطر النبي!!!!)
* حدد حلمك ومجموعك الي انت عايزه في الماده دي قبل ما تزاكر .
*سم الله وادعوه بدعاء قبل المزاكره وهو :
(اللهم يا أكرم من سئل , يا معين كل مكروب ,اللهم ارزقنا حفظ النبيين وفهم الصالحين
واهدنا إلي ما تحب وترضي فأنت نعم المولي ونعم المصير.)
* لازم تزاكر في مكان بتحبه ومستريح فيه مش قدام التليفزيون او اسامه منير او تامر حسني.
* لازم تبص في فهرس الماده او الجزء الي هاتزاكره علشان تعرف الكم الي هتزاكره اسمو ايه وقد ايه مش تعد ساعات وخلاص وأنت قاعد تايه وسرحان في...........!!
* لازم تبص في الساعه قبل ما تزاكر ولما تقوم تشرب وبعد ما تخلص حفظ وتحسب.
* لازم قبل ما اقوم اراجع الي ذاكرته واخططه في ورقه بيضاء وابص للفهرس.
* مهم جدا قبل ما تعدي 12 ساعه تكون مراجع الي حفظتو مرتين علي الاقل
. * قبل ميعاد الدرس اوالامتحان اعمل الخطوات تاني ( الفهرس -المراجعه –التخطيط-التسميع)
* قبل ما تقوم استشعر هل انت راضيا عن نفسك في كم المزاكره وجودتها ام لا ؟ لو كان لا عاهد نفسك ان تعوض التقصير في الفتره القادمه من المزاكره .

ابو نوووووووووورين